काठमाडौं । नेपाली बजारमा आज सुनचाँदीको भाउ स्थिर रहेको छ ।

नेपाल सुनचाँदी व्यवसायी महासंघका अनुसार आइतबार प्रतितोला १ लाख १९ हजार ९ सय रुपैयाँमा कारोबार भएको छापावाला सुन आज पनि सोहि मूल्यमा कारोबार भइरहेको हो।

सोमबार तेजावी सुन पनि तोलामा १ लाख १९ हजार ३५० रुपैयाँमा कारोबार भइरहेको छ ।

यता चाँदी आज प्रतितोला १ हजार ४ सय ७५ रुपैयाँमा कारोबार भइरहेको छ । चाँदी आइतबार पनि सोही मुल्यमा नै कारोबार भएको थियो ।