काठमाडौं । सिटिजन्स बैंकले संस्थापक शेयर सर्वसाधारणमा विक्री खुला गरेको छ ।

बैंकले प्रतिशेयर १५० रूपैयाँ अंकित मूल्यमा अन्य व्यक्ति तथा संस्थाहरूले समेत खरीद गर्न पाउने गरी ७० हजार ४९० दशमलव ६१ कित्ता शेयर विक्रीमा ल्याएको हो ।

बैंकले यस अघि विद्यमान संस्थापक शेयरधनीहरूका लागि मात्र विक्री खुला गरेको थियो । तर विक्री हुन नसकेपछि बैंकले अन्य व्यक्ति तथा संस्थाहरूमा विक्री खुला गरेको हो ।

उक्त शेयर खरीद गर्न इच्छुक लगानीकर्ताहरूले आगामी ३५ दिनभित्र बैंकको केन्द्रिय कार्यालय नारायणहिटी पथ, काठमाडौंमा आवेदन दिनुपर्ने बैँकले जनाएको छ ।