काठमाडौं । मधेशका मुख्यमन्त्री सरोजकुमार यादवले आइतबार तेस्रोपटक पटक विश्वासको मत लिएका छन् ।

यादवलाई नेकपा एमाले र जनमत बाहेकका दल र स्वतन्त्र सांसदले विश्वासको मत दिएका छन् । उनलाई ६९ जना प्रदेश सांसदले विश्वासको मत दिएका हुन् । यस्तै उनकाे विपक्षमा ३५ मत परेकाे छ ।

आजको प्रदेश सभामा १०४ जना सांसदको उपस्थिति रहेको थियो ।

गत माघ ९ गते जनमतका दुई मन्त्रीले सरकार छाड्दै सरकारलाई दिएको समर्थन फिर्ता लिएपछि विश्वासको मत लिएका हुन् ।

मधेस प्रदेश सभामा १०७ सांसद छन्। जसमध्ये एमालेका सर्वाधिक २४ जना छन्। यस्तै कांग्रेसका २२, जनता समाजवादी पार्टीका १९, जनमतका १३, माओवादी केद्रका ९, लोसपाका ९ र एकीकृत समाजवादीका ७ सांसद छन्। नागरिक उन्मुक्ति पार्टी, राप्रपाका एक/एक र एक स्वतन्त्र सांसद छन्।