काठमाडौं। ‘कौन बनेगा करोडपति’ शाे होस्ट गरिरहेका अभिनेता अमिताभ बच्चनले आफ्नो फिल्मी करियरका सुरुवाती दिनहरुबारे खुलासा गरेका छन् ।

एक एपिसोडकाे क्रममा अमिताभले आफ्ना फिल्महरु लगातार फ्लप हुँदै गएपछि निराश भइ अभिनय छोडेर अटो रिक्सा चलाउने सोच बनाएको बताए ।

उनले भने, ‘मैले दुई–तीनवटा फिल्ममा काम गरेको थिएँ, तर चलेनन्, जसका कारण म निराश भएँ । मुम्बई आउनुअघि मैले कोलकातामा काम गरें, जहाँ मलाई मासिक ४००-५०० रुपैयाँ मात्रै मिल्थ्यो। तर जब म मुम्बई आएँ, मैले कुनै पनि हालतमा सफलता हासिल गर्नुपर्छ भन्ने संकल्प लिएँ। फिल्ममा काम नपाए ट्याक्सी चलाउने सोच बनाएको थिएँ र त्यसका लागि ड्राइभिङ लाइसेन्स पनि लिएको थिएँ ।’

अमिताभ बच्चनले थपे, ‘राजेश खन्ना त्यतिबेला सबैभन्दा ठूलो सुपरस्टार थिए । उनको यति ठूलो फ्यान फलोइङ थियो कि उनी आउँदा महिलाहरूले उनको गाडीको पाङ्ग्राबाट माटो उठाएर आफ्नो निधारमा लगाउँथे। त्यसबेला म केही थिएन, तर सलिम-जावेदले मलाई भेटेर फिल्म ‘जंजीर’मा अभिनयका लागि अफर गरे। मैले यो भूमिका पाउँछु भन्ने सोचेकाे पनि थिइनँ।’

जावेदले फिल्म जंजीरको अफर गरेपछि आफ्नो जीवन फेरिएको अभिनेताले सम्झिए । ११ मे १९७३ मा रिलिज भएको फिल्म ‘जंजीर’ले ४ वर्षको संघर्षपछि अमिताभलाई स्टारडमको स्वाद दिलाएको थियो ।