काभ्रे ।११५औँ अन्तर्राष्ट्रिय महिला दिवसको अवसरमा नमो बुद्ध नगरपालिकाको कार्यालयमा आयोजित सम्मान तथा सांस्कृतिक कार्यक्रममा नेपाल समाचारपत्रका सह सम्पादक भगवती तिमल्सिनालाई सम्मान गरेको छ ।

नमो बुद्ध नगरपालिकाका नगर प्रमुख कुनसाङ लामाले पत्रकार तिमल्सिनालाई पत्रकारिता मार्फत समाज परिवर्तनमा महत्त्वपूर्ण योगदान पुर्‍याउने सघर्षसिल महिला भन्दै दोसल्ला ओढाई कदरपत्रद्धारा सम्मान गरेका छन् । सोही अवसरमा नमो बुद्ध नगरपालिका वडा नं १० का वडा अध्यक्ष रामकृष्ण उपाध्यायलाई वडामा उत्कृष्ट काम गर्न सफल वडा अध्यक्ष भएको भन्दै प्रशंसा गर्दै दोसल्ला र कदरपत्रद्धारा सम्मान गरे ।

महिला दिवसका अवसरमा नमो बुद्ध नगरपालिकाले तीन दशक लामो पत्रकारिता क्षेत्रमा सक्रिय रही पत्रकारिताको माध्यमबाट महिलाका आवाजलाई प्रतिनिधित्व गर्दै समाजमा पुर्‍याएको योगदानको उच्च कदर सहित सम्मान गरिएको र आगामी दिनमा थप साथ र सहयोग पाइरहने विश्वास लिएको कुरा सम्मान पत्रमा उल्लेख गरिएको छ ।