काठमाडौं । भुवन विश्वविद्यालयका निमित्त उपकुलपति प्रा. डा. खड्ग केसीको कार्यकक्षमा तोडफोड भएको छ । शैक्षिक क्यालेन्डरविपरीत स्नातक तह प्रथम वर्षको भर्ना प्रक्रिया फेरि सुरु गर्न माग गर्दै नेपाली कांग्रेसनिकट नेपाल विद्यार्थी संघ (नेविसंघ) का विद्यार्थी नेताहरू आन्दोलनमा उत्रिएपछि उक्त घटना भएको हो ।

उक्त प्रदर्शनमा सानोठिमी, भक्तपुर, पाटन, सरस्वती, पद्‌मकन्या क्याम्पसलगायतमा नेविसंघबाट निर्वाचित स्ववियु अध्यक्षहरू सहभागी थिए । उनीहरूले बुधबार दिउँसो उपकुलपति कार्यकक्षमा तोडफोड गर्नुका साथै रेक्टर कार्यालयमा तालाबन्दीसमेत गरेका छन् ।

त्रिविले जारी गरेको शैक्षिक क्यालेन्डरअनुसार स्नातक प्रथम वर्षको परीक्षा असार महिनाभित्र सम्पन्न गर्नुपर्ने भएकाले हालै परीक्षा फारम खुलाइएको छ । यो प्रक्रियासँगै नयाँ भर्ना बन्द हुने व्यवस्था भए पनि नेविसंघका नेताहरूले त्यस निर्णयलाई अस्वीकार गर्दै थप विद्यार्थी भर्ना गर्न दबाब दिइरहेका छन् ।