काठमाडौं । नेपाली राष्ट्रिय क्रिकेट टोलीले संयुक्त अरब इमिरेट्स (यूएई) को भिसा प्राप्त गरेको छ ।

नेपाल क्रिकेट संघ (क्यान)का प्रवक्ता छुम्बी लामाले आज एक विज्ञप्ति जारी गर्दै यूएईले नेपाली खेलाडिलाई भिसा दिएकाे जानकारी दिएका छन् । भिसा पाएसँगै टोली भोलि त्यसतर्फ प्रस्थान गर्ने भएका छन् ।

भदाै २३ र २४ गतेकाे जेनजी आन्दोलनपछि यूएईले नेपालीहरूलाई भिसा दिन रोकेको थियो । खेलाडीहरूले केही दिन अगाडि भिसाका लागि आवेदन दिएका थिए ।

नियमित प्रक्रियाबाट भिसा नआएपछि क्यानले इमरेट्स क्रिकेट बोर्ड र अन्तर्राष्ट्रिय क्रिकेट परिषद् (आईसीसी) मा समेत पहल गरेको थियो ।