टेक्सास(अमेरिका)। नेपालीमुलका बासिन्दाहरुको बाहुल्यता रहेको अमेरिकास्थित टेक्सास राज्यका स्थापना भएको नेपालीहरुको सबै भन्दा ठुलो संस्था नेपाल समाज टेक्सास(एनएसटी)को अध्यक्ष पदका लागि सामाजिक अभियन्तता जनक भण्डारीले उमेदवारी घोषणा गरेका छन ।

२४ बर्षअघि अमेरिका पुगेका उनी हाल नेपाल समाज टेक्सासको बरिष्ठ उपाध्यक्ष रहेका छन् । नेपाल समाज टेक्सास सन् १९९८ मा अमेरिकी कानुन अनुरुप समाजिक संस्थाको रुपमा दर्ता भई संचालन आईरहेको छ । डिसेम्बर १३ सन् २०२५ मा एनएसटीको निर्वाचन हुन गईरहेको छ ।

‘म पूर्ण रुपमा अमेरिकामा रहेका नेपाली माझ समाजसेवामै सक्रिय छु’ उनले भने । अमेरिकामा खुलेका एक दर्जन भन्दा बढी सामाजिक संस्थाहरुमा उनी बिभिन्न पदमा सक्रिय सहभागी भई काम गदै आईरहेका छन । यसका अलावा भण्डारी न्यूर्योक लाइफ इन्सुरेन्स कम्पनीको एजेन्टका रुपमा समेत काम गर्दछन ।