काठमाडाैं । फागुन २१ गते निर्वाचन हुँदैन भनेर अफवाह फैलाएको आरोपमा प्रहरीले एक जना ज्योतिषीलाई पक्राउ गरेको छ। ज्योतिषी पण्डित रूद्रनाथ अधिकारीलाई प्रहरीले पक्राउ गरेको हाे ।

प्रहरीका अनुसार अधिकारीले फागुन २१ मा चुनाव हुँदैन भनेर सामाजिक सन्जालमा भिडिओ सन्देश सार्वजनिक गरेका थिए।

काठमाडौं उपत्यका अपराध अनुसन्धान कार्यालयको टोलीले उनलाई नियन्त्रणमा लिएर परिसरमा बुझाएको हाे । अधिकारीलाई हिरासतमा राखेर अनुसन्धान अघि बढाइएको प्रहरीले जनाएकाे छ ।