काठमाडौं । नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले मौरिसस र नेपालबीचको आजको खेल तनावपूर्ण हुनुमा दुवै टिम जिम्मेवार रहेको बताएका छन् ।

खेल सकिएपछिको पत्रकारसम्मेलनमा प्रशिक्षक अल्मुताइरीले खेल तनावग्रस्त हुनु राम्रो नभएको बताउँदै उनले १ गोलको अग्रतापछि धैर्य भएर खेल्नुपर्ने प्रतिक्रिया दिए ।

खेलमा भएको तनावका लागि दुबै पक्षका खेलाडी ५०÷५० प्रतिशत जिम्मेवार भएको उनको भनाइ थियो ।

यद्यपि मौरिससविरुद्धको दोस्रो खेलमा पनि जित हात पार्न सफल भएकोमा आफू खुसी भएको उनले बताए ।
शारीरिक रुपमा बलियो टिमबिरुद्ध नेपाली खेलाडीले राम्रो प्रदर्शन गरेको उनको भनाइ थियो ।

‘गेम सकियो अब सबैले कुरा बिर्सनुपर्छ’ अल्मुताइरीले भने, ‘म रेफ्रीको डिसिजन सम्मान गर्छु ।’ खेलमा मौरिससका दुई र नेपालका एक खेडालीलाई रेफ्रिले रातो कार्ड देखाएका थिए ।

खेलमा हार जित हुने भन्दै उनले आफूहरु जितका लागि योग्य भएको बताए । उनले खेलाडीहरु आज नडराई खेलेको बताए । तनावपूर्ण खेलमा नेपालले मसिससविरुद्ध १–० को जित हात पारेको थियो ।