काठमाडौँ । चर्चित नायिका रेखा थापाले अमेरिकामा बस्दै आएका बलराम शाही ठकुरीसँग दोस्रो विवाह गरेकी छन् ।

दुई हप्ताअघि नै ठकुरीसँग कोर्ट म्यारिज गरेकी रेखाले प्रणय दिवसका दिन उक्त कुराको सार्वजनिक गरेकी हुन् ।

अमेरिका निवासी ठकुरीसँग थापाले काठमाडौं जिल्ला अदालतमा कोर्ट म्यारिज गरेकी हुन् ।

थापाको पहिलो पति चलचित्र निर्माता छविराज ओझासँग १० वर्षअघि नै डिभोर्स भएको थियो ।

चलचित्र अभिनेत्री थापाले पछिल्लो समय राष्ट्रिय प्रजातन्त्र पार्टीमा सक्रिय राजनीति गर्दै आएकी छन् ।

उनी हालसालै भएको सम्पन्न राप्रपाको महाधिवेशनमा अध्यक्षमा निर्वाचित राजेन्द्र लिङदेनकै प्यानलबाट महिलातर्फ महामन्त्री उम्मेदवार बनेकी थिइन् । लिङदेन निर्वाचित भए पनि थापालाई भने कुन्ती शाहीले पराजित गरेकी थिइन् ।