रौतहट । नेकपा (माओवादी केन्द्र) छोडेर एमालेमा लागेका प्रभु शाहको गाउँमा माओवादीको भब्य सभा भएको छ । माओवादी केन्द्रले शाहको गाँउ मौलापुरमा पार्टीको नगर सममेलन भब्य रुपमा सम्पन्न गरेको छ ।

शुक्रबार माओवादीले त्यहाँ नगर सम्मेलन आयोजना गरेको थियो । सम्मेलनले रामप्रवेश यादवको अध्यक्षतामा ६५ सदस्यीय नगर कमिटि गठन गरेको छ । यो नगरपालिकामा प्रभु शाहकी श्रीमति नगरपालिकाको मेयर छिन् ।

उनी पनि शाहसगै एमालेमै लागेकी छिन् । माओवादी केन्द्रले प्रभु शाहले माओवादी छोडेपनि त्यहाँको पार्टी कमिटि र शुभचिन्तक -जनसमुदायले पार्टी नछोडेको र अझै माओवादी केन्द्रकै पक्षमा रहेको नगर सम्मेलनको उपस्थितीले प्रमाणित गरेको बताएको छ ।

यो नगरपालिकामा फेरि पनि बैशाख ३० गते घोषणा भएको स्थानीय तह चुनावमा माओवादी केन्द्रले नै जित्ने दावी गरेको छ ।