धनगढी । नेकपा एमालेबाट धनगढी उपमहानगरको मेयरमा रणबहादुर चन्द र उप मेयरमा नन्दकला रानाले उम्मेदवारी दर्ता गराएका छन् ।

मेयरका आकांक्षी चन्दले एमाले नेता दुर्गा जोशीको प्रस्ताव र जीवनकुमार बमको समर्थनमा उम्मेदवारी दर्ता गराएका हुन् । प्रस्तावक र समर्थक दुवै धनगढीको मेयर पदका आकांक्षी हुन् ।

यसैगरी, उपमेयरका आकांक्षी रानाले लक्ष्मी केसीको प्रस्ताव र कोइलीदेवी चौधरीको समर्थनमा उम्मेदवारी दर्ता गराएकी छन् ।

उम्मेदवारी मनोनयनका क्रममा एमालेका केन्द्रीय सचिव लेखराज भट्ट, पोलिटब्युरो सदस्य नारदमुनि राना, प्रदेश सचिव धर्मराज पाठकलगायत नेताहरूको सहभागिता थियो ।