काठमाडौँ । बसको ठक्करबाट धादिङमा स्कुटर चालकको मृत्यु भएको छ । धादिङको बेनिघाट ३ शीतलबजारमा बस र स्कुटर आपसमा ठोक्किँदा स्कुटर चालकको ज्यान गएको हो ।

मृत्यु हुनेमा स्कुटर चालक गोरखा आँप पीपलका ३० वर्षीय विक्रम थापा मगर रहेको प्रहरीले जनाएको छ ।

शनिबार बिहान पौने १० बजे दाङबाट काठमाडौँ आउँदै गरेको ना ६ ख ९२५ नम्बरको बसले विपरीत दिशातर्फ जाँदै गरेको प्रदेश ३–०२–०१० प ३९८५ नम्बरको स्कुटरलाई ठक्कर दिएको थियो ।