काठमाडौँ । काठमाडौँ महानगरपालिकामा स्वतन्त्र उम्मेदवार बालेन शाहले आफ्नो प्रतिद्वन्द्वीसँगको मतान्तर थप बढाउँदै लगेको छ ।

पछिल्लो मत परिणामअनुसार शाहले चार हजार १३९ मत पाएका छन् । उनको मत एमालेका केशव स्थापित र कांग्रेसकी सिर्जना सिंहको संयुक्त मत बराबर हो ।

बालेनलाई नेकपा एमालेका केशव स्थापितले दुई हजार १४८ मत ल्याएर पछ्याइरहेका छन् । यस्तै, गठबन्धनको तर्फबाट कांग्रेसकी उम्मेदवार बनेकी सिर्जना सिंहले एक हजार ९३४ मत ल्याएकी छन् ।

अहिले काठमाडौँको वडा नम्बर १, २, ३, ४, ३२ र ३१ को मत गणना भइरहेको छ । मत गणना भएको सबै वडामा बालेनले अग्रता लिइरहेका छन् ।