धादिङ । जिल्लाको धुनबेँसी नगरपालिकाको मेयरमा नेकपा एकीकृत समाजवादी विजयी भएको छ । एमालेलाई पराजित गर्दै नेकपा एसका उम्मेदवार बालकृष्ण आचार्य निर्वाचित भएका हुन् ।

गत स्थानीय निर्वाचनमा तत्कालीन नेकपा एमालेबाट विजयी भएका आचार्य ८ हजार ७०६ मत ल्याउँदै दोस्रोपटक नेकपा एसबाट विजयी भएका हुन् । उनका प्रतिद्वन्दी एमालेका उम्मेदवार रामराजा पाण्डेले ६ हजार ५९२ मत ल्याएका थिए ।

यसैगरी उपमेयरमा नेपाली कांग्रेसका सुरज उप्रेती निर्वाचित भएका छन् । उनले ८ हजार ३८७ मत ल्याउँदै एमालेकी मन्दिरा श्रेष्ठलाई पराजित गरेका हुन् । श्रेष्ठले ६ हजार ४७० मत पाइन् ।