काठमाडौँ । सोमालियामा थप १७ लडाकू मारिएका छन् । सुरक्षाकर्मीहरूको कारबाहीका क्रममा बिहीबार उनीहरू मारिएको अधिकारीहरूले जनाएका छन् ।

मारिएका सबै जना अल शबाब समूहका लडाकू भएको जनाइएको छ । सोमालियाको सेनाले सुरक्षा कारबाही अझै पनि तीव्र रुपमा जारी रहेको जनाएको छ ।

देशको हालेस, क्वासाली, नुसफानक्सा, बुबुर लागयतका ठाउँमा अतिवादी लडाकू समूहविरुद्धको कारबाही चलाइएको हो । सोमालियामा यस वर्षको सुरुदेखि नै सुरक्षा कारबाहीलाई तिव्रता र प्राथमिकता दिइएको अधिकारीले जनाएका छन् ।

सुरक्षाकर्मीले लक्षित गरेको सो शबाब समूहले देशका कतिपय ठाउँ आफ्नो नियन्त्रणमा रहेको दाबी गर्दै आएको छ । त्यसै, गरी कतिपय उच्च पदस्थ अधिकारीहरूलाई समूहले आक्रमण गरेको थियो ।