काठमाडौँ । विभिन्न अवसरमा विभिन्न छुट अफर ल्याउँदै आएको आइएमई पेले आसन्न आम निर्वाचनको अवसरलाई मध्यनजर गर्दै हवाई यात्रा अफर सार्वजनिक गरेको
छ ।

अफरअनुसार आइएमई पे एपमार्फत हवाई टिकट काट्नेमध्ये हरेक दिन एक जना भाग्यशाली विजेताले एक रुपैयाँमा टिकट प्राप्त गर्न सक्ने छन् । प्रयोगकर्ताहरुले हवाई टिकट खरिद गर्दा कूल रकम (फुल प्राइस)मै खरिद गर्नु पर्ने हुन्छ ।

यो अफरमा प्रतिदिन विजेता घोषित हुने एक जना भाग्यशाली विजेताले एक रुपैयाँबाहेकको पूर्ण मूल्य क्यासब्याक स्वरूप पाउने छन् ।

आम निर्वाचनमा मतदातालाई आफ्नो मताधिकार प्रयोगमा सहज होस् भन्ने उद्देश्यका साथ यस्तो अफर सार्वजनिक गरिएको हो । अफर कार्तिक ३० देखि मंसिर ९ गतेसम्म जम्मा १० दिनसम्म कायम हुनेछ ।