काठमाडौँ । नेपालबाट खाडीमा विभिन्न मुलुकमा मानव बेचबिखन गरेको आरोपमा एक जना पक्राउ परेका छन् । झापा दमक नगरपालिका ३ घर भई हाल काठमाडौँ महानगर १४ बस्ने प्रकाश शाही ठकुरी भन्ने ४१ वर्षीय प्रकाश धिमाललाई प्रहरीले पक्राउ गरेको हो ।

पीडितको उजुरीका आधारमा नेपाल प्रहरी प्रधान कार्यालय मानब बेचबिखन अनुसन्धान ब्यूरो बबरमहलको प्रहरीले धिमाललाई काठमाडौको चाबहिलबाट पक्राउ गरेको हो ।

म्यानपावर एजेण्टको काम गर्ने धिमालले कुवेतमा फ्रि भिसा र फ्रि टिकट भन्दै ४ जना महिलालाई गत वैशाख १२ ग दुबई हुँदै कुवेत लगेका थिए । उनले कुवेतमा उनीहरूलाई नौ सय कुवेती दिनार (तीन लाख ८३ हजार रुपैयाँ)मा बिक्री गरेको प्रारम्भिक अनुसन्धानको क्रममा खुलेको छ ।

यस सम्बन्धमा प्रहरीले थप अनुसन्धान गरिरहेको छ ।