काठमाडाैं । शाहरुख खानको फिल्म पठानले बक्स अफिसमा दिनप्रतिदिन नयाँ रेकर्ड बनाइरहेको छ । फिल्मले रिलिजको पाँचौं दिन करिब ७० करोड भारु कलेक्सन गरेको छ। तर, आधिकारिक तथ्यांक भने सार्वजनिक भएको छैन ।

पाचाैँ दिनसम्ममा फिल्मले भारतीय बक्स अफिसमा मात्र कुल २८० करोड भारु कलेक्सन गरेको छ । यसअनुसार पठान घरेलु बक्स अफिसमा २८० करोड कमाउने पहिलो हिन्दी फिल्म बनेकाे छ ।

यसअघि बाहुबली-२ (हिन्दी संस्करण) र केजीएफ-२ (हिन्दी संस्करण) लाई २५० करोड क्लबमा पुग्न ७ देखि ८ दिन लागेको थियो। जबकि, पठानले ५ दिनमा विश्वभरबाट ५४० करोड भारूकाे संकलन गरेको छ ।

चलचित्र व्यवसायीका अनुसार पठानले यसरी नै कमाइ गरिरहने हो भने आगामी दिनमा धेरै ठूला कीर्तिमान तोड्न सक्नेछ ।