टर्की र सिरिया भूकम्पपीडितहरूलाई सहयोग गर्न विश्व एकजुट भएको छ। यसैबीच, धेरै बलिउड सेलिब्रेटीहरूले पनि टर्की र सिरियाको अवस्थालाई लिएर दुःख व्यक्त गरेका छन् र उनीहरूको लागि निरन्तर प्रार्थना गरिरहेका छन्। अभिनेत्री सन्नी लियोनीले टर्की र सिरियालाई सहयोगको हात बढाएकी छिन् ।

बलिउड दम्पती सन्नी लियोन र ड्यानियल वेबरले आफ्नो कस्मेटिक ब्रान्डको फेब्रुअरी कमाईको १० प्रतिशत सिरिया र टर्कीका भूकम्प पीडितहरूलाई राहत र पुनस्प्राप्तिमा दान गर्ने निर्णय गरेका छन्।

सनीले सबैले सहयोगको हात बढाउनु आवश्यक भएको बताइन् र बाँचेकाहरूलाई उनीहरूको जीवन पुनर्निर्माण गर्न मद्दत गर्न आग्रह गरिन्। दुवैले आफ्नो कमाइ सिरिया र टर्कीका प्रभावित क्षेत्रमा बसोबास गर्नेहरूका लागि काम गर्ने परोपकारी संस्थाहरूलाई दान गर्नेछन्।