काठमाडौँ । मोरङको बुढीगंगा गाउँपालिका २ स्थित अमाहीमा महिलाको शव भेटिएको छ । हत्या गरी बोरामा शव पोको पारेको अवस्थामा फेला परेको हो ।

स्थानीयबासीले घटनाबारे जानकारी पाएसँगै प्रहरीलाई खबर गरेका थिए । प्रहरीका अनुसार पहिचान खुल्न नसकेको करिब ३५ वर्षीया महिलाको हत्यापछि बोरामा शव राखिएको हो ।

शव स्थानीय नरसिंह चौधरीको घरभित्र फेला परेको जिल्ला प्रहरी कार्यालय मोरङले जनाएको छ । प्रहरीले घटनाबारे अनुसन्धान सुरु गरेको छ । घटना संलग्न भएको अरोपमा तीन जना पक्राउ परेका छन् ।