काठमाडौं । बलिउड अभिनेता अक्षय कुमारले तीन मिनेटमा सबैभन्दा धेरै सेल्फी खिचेर गिनिज वल्र्ड रेकर्ड राखेका छन् । बुधबार मुम्बईमा आफ्नो आगामी फिल्म ‘सेल्फी’ को प्रमोशनको क्रममा एक कार्यक्रममा उनले १८४ सेल्फी खिचेर यो कीर्तिमान रचेका हुन् ।

यस खुसीमा पोस्ट सेयर गर्दै अक्षयले लेखेका छन्, ‘मैले आजसम्म जे पनि हासिल गरेको छु र जीवनमा जहाँ छु, त्यो मेरा फ्यानहरूको निस्वार्थ मायाको कारण हो । अक्षयको यो पोष्ट हेरेपछि फ्यानदेखि सेलिब्रेटीसम्मले उनलाई बधाई दिइरहेका छन् ।

यसअघि हलिउड अभिनेता डाउने जोनसनले २०१५ मा यो रेकर्ड बनाएका थिए । उनले तीन मिनेटमा १०५ सेल्फी खिचेका थिए ।