काठमाडौं। फिल्म ‘कबड्डी’ को पाँचौँ श्रृखला ‘कबड्डी ५’ निर्माण हुने भएको छ । फिल्मका लेखक तथा कलाकार उपेन्द्र सुब्बाले अर्को वर्ष ‘कबड्डी ५’ निर्माण हुने घोषणा गरेका हुन्।

उनले स्क्रिप्ट लेखनको काम सुरु नभए पनि चाँडै काम सुरु गर्ने तयारी भईरहेको बताएका छन् । अरु सिक्वेलमा झै ‘कबड्डी ५’ पनि दयाहाङ मुख्य पात्रमा रहने उनले बताए।

कवि समेत रहेका सुब्बाले अब आफूले अभिनय नगर्ने बताएका छन् । उनले ‘कबड्डी’को दोस्रो श्रृंखलादेखि निर्देशक गुरुङलाई स्क्रिप्ट लेखनमा सघाउँदै आएका छन् ।

उनले निर्देशनमा डेब्यू गरेको फिल्म ‘जारी’ बैशाख १ गतेबाट प्रदर्शन हुँदैछ ।