काठमाडौँ । चितवन जिल्लाको भरतपुर महानगर ३ पुल्चोकस्थित पुलबाट सोमबार साँझ नारायणी नदीमा हाम फालेका एक जनाको सशस्त्र प्रहरीले सकुशल उद्धार गरेको छ । सोही जिल्लाको खैरहनी नगरपालिका ९ बस्ने २० वर्षीय मनिष महतो नदीमा हाम फालेका थिए ।

घटनाबारे जानकारी पाएलगत्तै नारयणी किनारमा गोताखोरसहित तैनाथ सशस्त्र प्रहरी बल नेपाल इमिडियट रेस्पोन्स टिम (आईआरटी) पोष्ट पुल्चोकले उनलाई घटना स्थलभन्दा करिब एक किलोमिटर तल नदीको बीचबाट उद्धार गरेको हो ।

उद्धारपश्चात उनलाई उपचारका लागि स्थानीय अस्पताल पठाइएको थियो ।