काठमाडाैं । लोकदोहोरी गायक राजेन्द्र लम्साल क्षेत्रीको निधन भएको छ । लोकदोहोरीका सर्जक समेत रहेका ६० वर्षीय गायक लम्सालको सोमबार राति निधन भएको उनको पारिवारिक स्रोतले जनाएको छ । स्रोत अनुसार पछिल्लो समय लम्साल स्वास्थ समस्याबाट गुज्रिरहेका थिए ।

१२ वर्षदेखि स्पेनमा बस्दै आएका राष्ट्रिय दोहोरी गीत प्रतिष्ठान नेपालका संस्थापकसमेत रहेका लम्साल ‘राष्ट्रिय लोक तथा दोहोरी गीत प्रतिष्ठान नेपाल’ युरोप शाखाका संस्थापक संरक्षक पनि हुन् ।

लम्सालका ‘जापान टोकियो, डोरीको तिन फुदा, वालिङ्ग फिरफिरे, शिरमा रिवन सल्को पछ्यौरी, भिरको टुनि हो, जस्ता धेरै गीतहरू चर्चित छन् ।

गायक लम्सालको निधनप्रति गायक-गायिकाहरुले श्रद्धाञ्जली दिइरहेका छन् ।