काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेका निजी चालक दिलबहादुर थापाको थप उपचारका लागि काठमाडौँ ल्याइएको छ ।

सोमबार बिहान घरको छतबाट खसेका थापालाई थप उपचार गर्न हेलिकप्टरबाट काठमाडौं ल्याइएको हो ।

सभापति लामिछानेका अनुसार भरतपुरका चिकित्सकको सल्लाहमा उनलाई काठमाडौँ ल्याइएको हो ।

सोमबार बिहान ४ बजेतिर भरतपुर ११ स्थित लामिछानेको घरको छतबाट खसेका थापालाई पुरानो मेडिकल कलेज भरतपुरमा उपचार गरिएको थियो ।

तीन तलामाथिबाट खसेका थापाको घाँटीको हड्डी भाँचिएको छ । उनी अहिले पनि अचेत छन् ।