काठमाडौं । नेपालमा मनसुन सुरु भए लगत्तै धान रोपाई सुरु भएको छ । काठमाडौंलगायत सुन्दरीजल आसपासमा धान रोपाई सुरु भएको हो ।
नेपालमा एक दिन ढिला गरी मनसुन भित्रिएको छ । कोसी प्रदेश हुँदै पूर्वी मधेस, बागमती र गण्डकीका पूर्वी भूभागमा मनसुन पुगेको मौसम पूर्वानुमान महाशाखाले जानकारी दिएको छ ।

नेपालमा मनसुन भित्रिने सरदर मिति जुन १३ हो । तर, यसपटक एक दिन ढिलो बुधबार मात्र मनसुन भित्रिएको हो । हाल गण्डकी प्रदेशको पोखरासम्म मनसुनको प्रभाव रहेको र त्यसभन्दा पश्चिमका क्षेत्रमा पुग्न केही दिन लाग्ने महाशाखाले जनाएको छ ।

मनसुन भित्रिएसँगै बेला बेला वर्षा सुरु भएको छ । कोसी, मधेस र बागमती प्रदेशमा मंगलबार, बुधबार राति पानी परेको थियो ।