काठमाडौं । नेकपा (माओवादी केन्द्र)का उपमहासचिव गिरिराजमणि पोखरेलले क्यूवा र चीनमा जस्तै नेपालमा पनि भष्टाचारविरोधी अभियान चलाउनु पर्ने र त्यस्तो अभियान पार्टीभित्रै पनि चलाउनु पर्ने बताएका छन् । माओवादी केन्द्रको चार दिन देखि जारी पार्टी केन्द्रीय समिति बैठकमा शनिबार आफनो धारणा राख्दै उपमहासचिव पोखरेलले आज प्रचण्डको नेतृत्व र नारायणकाजी श्रेष्ठको सक्रियतामा भ्रष्टाचार विरोधी आशाबर्दक अभियान चलेको बताएका हुन् ।

‘क्युवामा क्रान्तिमा फिडेल क्यास्ट्रोले भष्टाचार मा संलग्न आफ्नो आफ्नो ५ जना कमाण्डरलाई मृत्यूदण्ड दिएका थिए । चीनमा पनि त्यही प्रकारको दण्ड दिने गरेको छ । यो अभियान पार्टी भित्र हामीले पनि चलाउनु पर्छ,’ पोखरेलले भने ।

उनले चिनियाँ उखानलाई उधदृत गदैंं फोहोर र भर्याङ्ग माथिबाट तल बढार्नुपर्ने बताए ।

‘मैले पार्टी एकताको बखतमा नै भनेको थिए क प्रकाश सहितको प्रचण्डको नेतृत्वले नेपाली कम्युनिष्ट आन्दोलनमा अतुलनिय योगदान हुन्छ ।आज प्रचण्डको नेतृत्व र नारायणकाजीको सक्रियतामा चलेको भ्रष्टाचार विरोधी आशाबर्दक अभियानले त्यही कुरा प्रमाणित भएको छ,’ पोखरेलले भने,-‘भष्टाचार र सुशासनको पक्षमा अभियान निर्ममता पर्वक अगाडि बढाउनु पर्छ, “एउटा चिनियाँ उखान छ फोहोर र भर्याङ्ग माथिबाट तल बढार्नुपर्छ । सरकारले भ्रष्टाचार विरुद्ध माथिबाट गरेको काम ठीक छ यसलाई मनन गरौं । शक्तिमा हुन आफै प्रति निर्मम हुनु पर्छ । क्रान्तिको निशाना आफैलाई बनाऊ भन्ने माओको भनाई स्मरणीय छ।’

उनले पूँजीवादी पाटीले समाजवादी क्रान्ति गर्न नसक्ने भन्दै कृषिमा आत्म निर्भरताको अभियान चलाउनु पर्ने बताए ।

राजनीतिक पार्टी, विज्ञ र गैरआवसिय नेपालीहरुको प्रतिनिधित्व हुने गरी विकास प्रधिकरण गठन गर्ने र विकास समृद्धिमा गैरआवसिय हरुलाई पनि समावेश गराउनुपर्ने पनि पोखरेलले बताए ।