काठमाडौं । डोटीमा जिप दुर्घटना हुँदा चार जनाको मृत्यु भएको छ । दुर्घटनामा पाँच जना घाइते भएको छन् ।

आइतबार राति साढे २ बजेको समयमा शिखर नगरपालिका-६ को अण्यौलमा केआई सिंह राजमार्गमा धनगढीबाट बाजुरातर्फ जाँदै गरेको ग२च २७७६ नम्बरको बोलेरो जिप दुर्घटनामा परेको हो ।

दुर्घटनामा बाजुराको हिमाली गाउँपालिका-५ बस्ने २२ वर्षीया राधिका मलाल, ३२ वर्षीया धनशोभा बुढा, उनका ६ वर्षीय छोरा कबिन्द्र बुढा र सोही ठाउँ बस्ने विमला मलालकि ८ महिना की छोरी प्रार्थनाकाे मृत्यु भएकाे प्रहरीले जनाएकाे छ । प्रहरीका अनुसार उनीहरुकाे घटना स्थलमै भएकाे हाे ।

यस्तै घाइते हुनेमा हिमाली गाउँपालिका- ५ बस्ने ३० वर्षीया प्रकास बुढाथापा, सोही ठाउँका २३ वर्षीय खोमबहादुर मलाल, २४ वर्षीय दानबहादुर बुढा २१ वर्षीया विमला मलाल र २१ वर्षकै राजबहादुर मलाल रहेका छन् । उनीहरू मध्ये विमलाको अवस्था गम्भीर रहेको प्रहरीले जनाएको छ ।

घाइतेहरुकाे डोटी दिपायलमा रहेको शैलेश्वरी अस्पतालमा उपचार भइरहेको जनाइएको छ ।

प्रहरीले जीप चालक बाजुरा गौमुल गाउँपालिका–४ का २९ वर्षीय महेश बुढालाई नियन्त्रणमा लिएकाे छ ।