काठमाडौं । यूएईमा सुरू भएको यू १९ एसिया कप अन्तरगत पाकिस्तानलाई १५३ रनको सामान्य लक्ष दिएको छ ।

टस हारेर पहिला ब्याटिङको निम्तो पाएको नेपालले ४७ आभरमा सबै विकेट गुमाएर १५२ रन बनाएको हो ।

नेपालका लागि उत्तम रंगु थापा मगरले ५१ रनको अर्धशतक बनाए। दिपेश कँडेलले ३१ र अर्जुन कुमालले २१ रन बनाउँदा अरु खेलाडीले राम्राे प्रदर्शन गर्न सकेनन्।

कप्तान देव खनाल १३ बल खेल्दा शून्यमा आउट भए भने राष्ट्रिय टिमका सशक्त खेलाडी गुल्सन झाले एक रन मात्र बनाउन सके। तिलक भण्डारीले ७, आकाश त्रिपाठीले ६, आकाश चन्दले ५ रन बनाउँदा सुवास भण्डारी ८ रनमा अविजित रहे।