काठमाडौं । गृह मन्त्रालयले ललितपुर जिल्लाको प्रमुख जिल्ला अधिकारीमा तुलसीबहादुर श्रेष्ठलाई पठाउने निर्णय गरेको छ।

मन्त्रालयले शुक्रबार मन्त्रालयमा रहेका श्रेष्ठलाई प्रमुख जिल्ला अधिकारीको जिम्मेवारी दिएको हो ।
यस्तै प्रहरी प्रमुखमा एसएसपी शेखर खनाल गएका छन् ।

गत शुक्रबार बालकुमारीमा सुरक्षाकर्मीको दमनबाट दुई जनाको मृत्यु भएसँगै ललितपुरका प्रमुख जिल्ला अधिकारी रुद्रप्रसाद पण्डित र प्रहरी वरिष्ठ उपरीक्षक सिद्धिविक्रम शाहलाई गृह मन्त्रालयले फिर्ता बोलाएको थियो ।