काठमाडौं । प्रधानमन्त्री कप एक दिवसीय राष्ट्रिय क्रिकेट प्रतियोगितामा त्रिभुवन आर्मी क्लबले कोशी प्रदेशमाथि ९ विकेटको सहज जित हात पारेको छ ।

बिहीबार कोशीले दिएको ८९ रनको सामान्य लक्ष्य आर्मीले ९ ओभर ५ बलमा १ विकेट गुमाएर पूरा गर्‍यो ।

आर्मीका लागि सन्तोश कार्की र इम्रान शेखले समान ३२ रन बनाए । यस्तै कुशल मल्लले २२ रन जोडे।

बलिङतर्फ कोशी प्रदेशका सुजन थपलियाले १ विकेट लिए ।

मुलपानी क्रिकेट मैदानमा पहिला ब्याटिङ गरेको कोशी २४ ओभर ४ बलमा ८८ रनमा अल आउट भएको थियो ।

कोशीका लागि कप्तान अंकित सुबेदीले सर्वाधिक ४१ रन बनाए । अन्य ब्याटरले भने दोहोरो अंकमा रन बनाउन सकेनन् ।

बलिङतर्फ आर्मीका शाहब आलमले ६ विकेट लिए । ६ ओभर ४ बल बलिङ गरेका आलमले ३ मेडनसहित १४ रन खर्चेर ६ विकेट लिए ।

यस्तै कुशल मल्लले २, सोमपाल कामी र विवेक यादवले १(१ विकेट लिए ।