काठमाडौं । तामाङ समुदायमा प्रचलित, परम्परागत भाका सेलो, फापरे व्हाईलगायतका (गीत)को प्रवद्र्धनका लागि “डम्फु र सेलो” कार्यक्रम सुरु भएको छ ।

नेपाल तामाङ घेदुङका महासचिव जगत दोङले इन्डिजिनियस टेलिभिजनको युट्युव च्यानलबाट सार्वजनिक गरिएको डम्फु र सेलो कार्यक्रम न्डिजिनियस टेलिभिजन आइटिभी नेपालबाट हरेक साताको शुक्रवार साँझ ८ बजे प्रशारण हुने जानकारी दिए ।

उनले समुदायमा रहेको परम्परागत गीतका भाका, वाद्यवादन प्रयोग गरेर इच्छुक कलाकारले आफ्नो प्रतिभा देखाउने अवसरका लागि डम्फु र सेलो कार्यक्रममार्फत मञ्च दिइएको बताए ।

डम्फु र सेलो कार्यक्रम अन्तरगतको पहिलो श्रृङ्खलामा चर्चित गायक÷गायिकाहरू मिलन लामा, फुलकुमार बम्जन, गीता योन्जनलगायतले रमाईलो प्रस्तुती दिएका छन् ।