काठमाडौं । भारतका सुपरस्टार अभिनेता रजनीकान्त अस्पताल भर्ना भएका छन् ।

मिडिया रिपोर्टका अनुसार रजनीकान्तलाई चेन्नईको एपोलो अस्पतालमा भर्ना गरिएको छ।

सोमबार राती पेट दुखेपछि उनलाई अस्पतालमा भर्ना गरिएको हो । उता अस्पताल स्रोतका अनुसार रजनीकान्तको आजै मुटुसँग सम्बन्धित एक शल्यक्रिया गरिने छ।

रजनीकान्तको स्वास्थ्यको बारेमा जानकारी दिँदै उनकी पत्नी लताले एक मिडिया च्यानललाई भनिन्, ‘सबै ठीक छ ।

पछिल्लो केही वर्षयता रजनीकान्तको स्वास्थ्य पटक–पटक बिग्रिएको छ । उनको सन् २०१६ मा अमेरिकामा मिर्गौला प्रत्यारोपण गरिएको थियो ।