काठमाडौं । रोहित शेट्टीको फिल्म ‘सिंघम अगेन’ ले ठूला स्टार र ठूलो बजेटको बावजुद बक्स अफिसमा राम्रो प्रदर्शन गर्न सकिरहेको छैन ।

अजय देवगन, रणवीर सिंह, दीपिका पादुकोण, अक्षय कुमार र करीना कपुर खान जस्ता ठूला कलाकार अभिनित यो फिल्मले दर्शकहरूको राम्रो साथ पाउन सकेन।

रिपोर्टका अनुसार फिल्मले पहिलो साता १७३ करोड भारु कमाएको थियो, जुन फिल्मको बजेट र स्टार कास्टलाई हेर्दा कम थियो।

दोस्रो साता फिल्मले राम्राे व्यापार गर्ने अनुमान गरिएको थियो । तर यो साता फिल्मको कमाई झन घटेर ४७.५ करोडमा सिमित हुन पुग्यो।

रिपोर्टका अनुसार चलचित्रले चौथो आइतबार १ करोड ७२ लाखको व्यापार गरेको छ ।

फिल्मको बजेट करिब ३४० करोड भारुको रहेको बताइएको छ ।

१ नभेम्बरमा रिलिज भएकाे फिल्मको अहिलेसम्मकाे कुल कलेक्सन २४०.१७ करोड भारु पुगेको छ । यसरी हेर्दा फिल्मलाई आफ्नाे बजेट सुरक्षित गर्नै निकै संघर्ष गर्नु परिरहेकाे देखिन्छ ।

ठूला स्टारको लोकप्रियताले मात्र दर्शकलाई हलमा तान्न नसकिने ‘सिंघम अगेन’ ले देखाएकाे छ ।