एजेन्सी । मलेसियामा बुधवार बिहान भएको दुर्घटनामा परी एक नेपालीसहित दुई जनाको मृत्यु भएको छ । दुर्घटनामा नौ जना नेपाली घाइते भएका छन् ।

अन्तराष्ट्रिय समाचार सस्थाका अनुसार घाइतेहरूको अवस्था गम्भीर रहेको छ । मलेसियामा सुरक्षा गार्डको काम गर्ने नेपालीहरू लिएर जाँदै गरेको भ्यान दुर्घटनामा परेको थियो । दुर्घटना जोहरबामा भएको हो । उक्त दुर्घटना बुधवार विहान पौने ८ बजेको आसपासमा भएको जनाइएको छ ।

भ्यान चालक र एक नेपालीको घटनास्थलमा नै मृत्यु भएको थियो । भ्यान रोड डिभाइडरमा ठोक्किएर पल्टिन पुगेको स्थानीय प्रहरीलाई उधृत गर्दै समाचारमा जनाइएको छ । समाचारका अनुसार घाइतेहरूलाई सुल्तान अमिन अस्पतालमा राखिएको छ ।