काठमाडौं । कोभिड१९ विरुद्धको दोस्रो भेरेसेल खोप अभियानको पहिलो दिन काठमाडौं उपत्यकामा करिब ९ हजारले खोप लगाएका छन् । काठमाडौं महानगरका भित्रका ३२ वटा वडामा ४ हजार ४१९ जना पुरुष र ४ हजार ३२७ जना महिला गरी कुल ८ हजार ७४६ जनाले भेरोसेल लगाएका हुन् ।

महानगरको स्वास्थ्य प्रमुख हरि कुँवरका अनुसार मंगलबारबाट पाँच दिनसम्म खोप अभियान चलाउने तालिका बनाएको छ । जसमा पहिलो दिन मंगलबार ६४ बर्षकाले मात्रै खोप लगाएका हुन् । बुधबार ६३ बर्ष, विहीबार ६२, शुक्रबार ६१ र शनिबार ६० बर्षकालाई खोप लगाउने योजना महानगरको छ । एकैपटक भिड नहुने भएकोले यसरी तालिका मिलाइएको कुँवरले जानकारी दिए ।
चीनले अनुदानमा १० लाख डोज खोप दिएपछि सरकारले मंगलबारदेखि देशव्यापी रुपमा खोप अभियान चलाएको हो । खोप अभियान अन्तरगर्त उपत्यकाका तीन जिल्लामा ६० देखि ६४ बर्ष र उपत्यका बाहिर ६२ देखि ६४ बर्ष उमेर समूहका व्यक्तिलाई खोप दिईदै छ ।