काठमाडौँ । प्रदेशको गृहमन्त्रालयको कामकारबाही गर्ने गण्डकी प्रदेशको आन्तरिक मामिला तथा कानुन मन्त्रीमा दिपक मनाङले दाबी गरेका छन् । विपक्षी गठबन्धनको तर्फबाट नेपाली कांग्रेसका प्रदेश सभा सदस्य गण्डकी प्रदेशको मुख्यमन्त्रीमा कृष्णचन्द्र नेपाली पोखरेल नियुक्त भएसँगै उनले प्रदेशको गृहमन्त्रीमा दाबी गरेका हुन् ।

यसअघि पृथ्वी सुब्बा गुरुङ नेतृत्वको सरकारमा उनी युवा तथा खेलकुदमन्त्री भएका थिए । तर, गुरुङले प्रदेश सभामा विश्वासको मत नपाएपछि पोखरेल मुख्यमन्त्रीमा नियुक्त भएका छन् ।

उनलाई प्रदेश प्रमुख सीताकुमारी पौडेलले संविधानको धारा १६८ ९५० अनुसार मुख्यमन्त्री नियुक्त गरेकी हुन् । गुरुङले प्रदेश सभामा विश्वासको मत नपाएपछि पोखरेलले विपक्षी गठबन्धनको तर्फबाट संविधानको धारा १६८ ९५० अनुसार बहुमतसहित प्रदेश प्रमुख समक्ष मुख्यमन्त्रीमा दाबी पेश गरेका थिए ।

उनलाई प्रदेश प्रमुखले आज नै मुख्यमन्त्रीमा नियुक्त गरेकी हुन् । अब गण्डकी प्रदेश सरकार गठन गर्ने तयारी भइरहँदा मनाङले आन्तरिक मामिला तथा कानुनमन्त्रीमा दाबी गरेका हुन् ।