काठमाडौँ । बारा जिल्लाको जीतपुरसिमरा उप महानगरपालिका (साविक अमलेखञ्ज गाविस)मा कार्यरत तत्कालीन गाविस सचिव विजयकान्त झाले दुई लाख ८१ हजार भ्रष्टाचार गरेको खुलेको छ । उनले आर्थिक वर्ष २०७०–०७१ र २०७१–०७२ मा उक्त रकम हिनामिना गरेको अख्तियार दुरुपयोग अनुसन्धान आयोगका प्रवक्ता नारायण प्रसाद रिसालले जानकारी दिए ।

उनले नाला खन्ने तथा कुलो निर्माण गर्ने काममा वास्तविक लागतभन्दा १ एक लाख ३४ हजार २३५ रुपैयाँ बढी भुक्तानी लिएका थिए । यस्तै, शौचालय निर्माण तथा महिलालाई दिएको सिलाई कटाई तालिम शीर्षकमा एक लाख ४७ हजार ५ सय रुपैयाँ हिनामिना गरेको देखिएको आयोगले जनाएको छ ।

पक्राउ परेका उनीविरुद्ध आयोगले कूल दुई २ लाख ८१ हजार रुपैयाँ बिगो कायम गरी थप कारबाही प्रक्रिया अघि बढाइएको छ ।