काठमाडौं । सिन्धुपाल्चोकको मेलम्चीमा बुधबार डुवान भएको क्षेत्रमा नजान प्रहरीले स्थानीय वासिन्दालाई आग्रह गरेको छ । मंगलबार पहिरो गएको क्षेत्रमा फेरि पानी परेको र नदीमा बाढी आउन सक्ने भन्दै प्रहरीले सुरक्षित स्थानमा जान आग्रह गरेको हो । जल तथा मौसम विज्ञान विभागले पनि पानी पर्ने अनुमान गरेकाले मेलम्ची बजारको तटीय क्षेत्रमा गएका वासिन्दालाई सुरक्षित स्थानमा जान आग्रह गरिएको सिन्धुपाल्चोकका प्रहरी प्रमुख एसपी राजन अधिकारीले जानकारी दिए ।

पानी पर्न छाडेपछि स्थानीय वासिन्दा डुवानमा परेको आफ्नो घर भएको ठाउँमा जान थालेका छन् । तर प्रहरीले अहिले ति स्थानमा नजान आग्रह गरेको छ ।