काठमाडौँ । बाढी प्रभावित मेलम्चीबासी आन्दोलनमा उत्रिएका छन् । नदीले कटान गरेको ठाउँमा बाँध बनाउँदै गर्दा करेन्ट लागेर एक जनाको मृत्यु भएसँगै उनीहरू आन्दोलनमा उत्रिएका हुन् ।

स्थानीय बासिन्दाले विद्युत प्राधिकरणविरुद्ध आन्दोलन गर्दै कार्यालय घेराउ गरेका हुन् । मेलम्ची नदीको तटीय क्षेत्रमा बाँध बनाउन एक्साभेटर लिन जाने क्रममा भुँईमा लत्रिएको विजुलीको तारमा छुँदा करेन्ट लागेर आज बिहान एक जनाको मृत्यु भएको थियो ।

मृत्यु हुनेमा मेलम्ची नगरपालिका ११ का धर्मराज दुलाल रहेका छन् । स्थानीय वासिन्दाले प्राधिकरणको लापरबाहीका मृत्यु भएको भन्दै आन्दोलन गरेको सिन्धुपाल्चोकका प्रहरी प्रमुख एसपी राजन अधिकारीले जानकारी दिए ।

प्रदर्शनका कारण मेलम्ची क्षेत्रमा सडक अवरुद्ध भएको छ ।