काठमाडौँ । नेपाल सरकारको रिक्त दुई सचिव पदका लागि ६ जना सहसचिवको नाम सिफारिस भएको छ । लोकसेवा आयोगका अध्यक्ष माधवप्रसाद रेग्मीको अध्यक्षतामा आज बसेको सचिव बढुवा सिफारिस समितिको ६ जनाको नाम सिफारिस भएको हो ।

सिफारिस सहसचिवमा प्रशासनतर्फ ३ जना र प्राविधिकतर्फ ३ जनाको नाम मन्त्रीपरिषदमा पठाइएको हो । जसमा प्रशासनतर्फ सहसचिव मधुसुदन बुर्लाकोटी, कृष्णहरी पुष्कर र खगेन्द्रप्रसाद नेपाल रहेका छन् ।

यस्तै, प्राविधिकतर्फ बढुवाका लागि सिफारिस हुनेमा सुशील चन्द तिवारी, गोपालप्रसाद सिग्देल र राजेन्द्रप्रसाद खनाल रहेका छन् ।

आजको सिफारिसका आधार आगामी मन्त्रिपरिषद् बैठकले प्रशासनतर्फ ३ जनामध्ये १ जना र प्राविधिकतर्फ ३ जनामध्ये १ जनालाई सचिवमा बढुवा गर्ने छ ।