काठमाडौं । पछिल्लो समय राजनीतिक भेटवार्तालाई तिब्रता दिएका नेपाल कम्युनिष्ट पार्टीका महासचिव नेत्र विक्रम चन्दले आज जनता समाजवादी पार्टीका संघीय परिषद अध्यक्ष बाबुराम भट्टराईसँग भेट गरेका छन् ।

भेटका क्रममा के विषयमा छलफल भयो भन्ने खुलाइएको छैन । चन्दले यसअघि माओवादी केन्द्रका अध्यक्ष पुष्पकमल दाहाल, नेकपा एमालेको बरिष्ठ नेता माधव कुमार नेपालसँग पनि भेटवार्ता गरेका थिए ।

एमालेका नेता तथा पुर्व प्रधानमन्त्री नेपालसँगको भेटवार्तामा समसामयिक राजनीतिक बिषय र जेलमा रहेका बन्दी रिहाइका विषयमा छलफल भएको थियो । नेता नेपालसँगको भेटमा माओवादी केन्द्रका अध्यक्ष दाहाल पनि उपस्थित थिए ।

यस्तै नेकपा माओवादी केन्द्रका अध्यक्ष दाहालसँगको भेटमा पनि समसामयिक राजनीतिक बिषयसँगै यसअघि सरकारसंग भएका ३ बुँदे सहमति कार्यन्वयनबारे छलफल चन्दले खुलासा गरेका छन् ।