काठमाडौं । रौतहटको माधव नारायण नगरपालिका ४स्थित श्री माध्यमिक विद्यालय व्यवस्थापन समिति (विव्यस)को अध्यक्ष चयनको विषयमा विवाद हुँदा दुई पक्षबीच झडप भएको छ । झडपमा परेर दुवैतर्फका नौ जना घाइते भएका छन् ।

मुख्य झगडियाको आरोपमा प्रहरीले दुवै पक्षका रामकलेवर मुखिया र दिलिप भण्डारीलाई पक्राउ गरेको जिल्ला प्रहरी कार्यालय रौतहटका प्रहरी उपरीक्षक (एसपी) ले मेरोन्युजलाई जानकारी दिए ।

‘हाल श्री माध्यमिक विद्यालयको व्यवस्थापन समिति अध्यक्ष पद रिक्त छ । नयाँ अध्यक्ष चयनको प्रक्रिया सुरु हुने तयारीको क्रममा विवाद भएपछि झडप भएको हो ।’ एसपीले भने ।

रौतहट जिल्लाको माधवनारायन न.पा.मा रहेको श्री माध्यमिक विद्यालयमा भएको यस्तो क्रुर घट्नाको धोर भत्सर्ना गर्दै विद्यालय जस्तो शान्ती क्षेत्र भित्र यस्तो हिंसात्मक क्रियाकलापमा संलग्न सम्पूर्णलाई तत्काल कडा कारवाही गरियोस । @NepalPoliceHQ pic.twitter.com/jX7X0RlU3b

— Govind Giri (@girirochak) August 1, 2021

सामाजिक सन्जालमा पोष्ट गरिएको एक भिडियोमा मानिसहरुले एकअर्कालाई बाँसका भाटा प्रहार गरेको देखिन्छ । विद्यालय परिसरमा भएको यो घटना आइतबार दिउँसोको हो ।

पक्राउ परेका २ जना विरुद्ध कारवाहीको प्रक्रिया अगाडी बढाएको प्रहरीले जनाएको छ ।