काठमाडौँ । हिन्दु धर्मालम्वी महिलाको महान चाड हरितालिका तिज नजिकिएसँगै नेपाली बजारमा सुन चाँदीको मूल्य बढेको छ । नेपाल सुनचाँदी व्यवसायी महासंघका अनुसार गत शुक्रबारभन्दा आज सुनको मूल्य तोलामा ६ सय रुपैयाँले वृद्धि भएको छ ।

योसँगै नेपाली बजारमा सुन मूल्य प्रतितोला ९१ हजार ५ सय रुपैयाँ कायम भएको छ । शुक्रबार बजारमा सुन प्रतितोला ९० हजार ९ सय रुपैयाँ रहेको थियो ।

यस्तै, आज तेजबी सुनको मूल्यसमेत ६ सय रुपैयाँले वृद्धि भई ९१ हजार रुपैयाँ कायम भएको महासंघले जनाएको छ ।

यसैगरी, चाँदीको मूल्य एक हजार २३० रुपैयाँ कायम भएको छ । गत साता एक हजार १९५ रुपैयाँमा कारोबार चाँदीको मूल्य तोलामा ३५ रुपैयाँले वृद्धि भएको हो ।