काठमाडौँ । भारतमा रोकिएको १० लाख डोज कोरोना खोप अक्टोबरमा आउने भएको छ । भारतले खोप निर्यातमा प्रतिबन्ध लगाएपछि नेपालले भुक्तानी गरिसकेको १० लाख डोज खोप रोकिएको थियो । अब उक्त खोप अक्टोबर महिनामा नेपाल आउने छ ।

भारत सरकारले आगामी अक्टोबर महिनादेखि कोरोना खोप निर्यात सुरु गर्ने भएपछि नेपालले भुक्तानी गरिसकेको १० लाख डोज कोरोना खोप नेपाल आउने भएको छ ।

उत्पादित कोरोना खोप आन्तरिक प्रयोजनका लागि भन्दै भारत सरकारले खोप निर्यातमा बन्देज गरेको थियो । भारतले खोप निर्यातमा छिमेकी मुलुक र कोभ्याक्सलाई उच्च प्राथमिकतामा राख्ने बताएको छ ।