काठमाडौं । माधव नेपाल नेतृत्वको नेकपा (एकीकृत समाजवादी) को केन्द्रीय कमिटीको प्रथम बैठक शुरु भएको छ ।

नयाँ पार्टी गठनपछि पहिलो पटक काठमाडौंको बुद्धनगरस्थित क्वालिटी बैंक्वेटमा शुरु भएको बैठकमा समसामयिक राजनीतिक विषयमा छलफल हुने बताइएको छ ।

१ सय २३ सदस्यीय केन्द्रीय समिति बैठकमा संगठनको स्वरुप तयार गर्ने लगायतका विषयमा निर्णय गर्नेछ ।

दुई दिनसम्म चल्ने बैठकमा केन्द्रदेखि स्थानीय तहसम्मको संरचना तथा संगठन विस्तार लगायतका विषयमा छलफल हुनेछ ।