काठमाडौँ । नेकपा एमालेको विधान महाधिवेशनमा पानीको बोतलमा समेत पार्टी अध्यक्ष केपी शर्मा ओालीको फोटो राखिएको छ । ललितपुरको गोदावरीस्थित नवनिर्मित सनराइन सम्मेलन केन्द्रमा आजबाट सुरु भएको एमालेको विधान महाधिवेशनमा राखिएको पानीको बोतलमा ओलीको फोटो राखिएको हाे ।

तर एमालेले विधान महाधिवेशनको मुख्य मञ्चमा विगतमा जस्तो पुराना कम्युनिष्ट नेताहरुको तस्वीर राखिएको छैन । विगतमा पुराना कम्युनिष्ट नेताहरु पुष्पलाल, मदन र मनमोहनको तस्वीर हुन्थ्यो ।

एमालेले पहिलो विधान महाधिवेशनको मुख्य मञ्चमा नेपाल कम्युनिष्ट पार्टीका संस्थापक महासचिव पुष्पलाल श्रेष्ठ, एमाले महासचिव मदन भण्डारी र प्रथम कम्युनिष्ट प्रधानमन्त्री मनमोहन अधिकारीको तस्वीर राखिएको छैन ।

महाधिवेशनस्थल सम्मेलन केन्द्र परिसरका ठाउँठाउँमा अध्यक्ष ओलीको पूर्ण कदको मस्कट राखिएको छ ।