काठमाडौँ । प्रदेश १ का मुख्यमन्त्रीको टुंगो आइतबार हुने भएको छ । मुख्यमन्त्री भीम आचार्यको विश्वासको मतसम्बन्धी प्रस्तावमा आइतबार मात्र मतदान हुने भएपछि आइतबार मुख्यमन्त्रीको टुंगो लाग्ने भएको हो ।

शुक्रबार प्रदेश १ को प्रदेशसभाको कार्यव्यवस्था परामर्श समितिको बैठकमा विश्वासको मतसम्बन्धी प्रस्तावमाथिको मतदान आइतबार मात्र गर्ने सहमति भएको छ ।

शुक्रबारको बैठकमा मुख्यमन्त्री आचार्यले प्रदेशसभामा विश्वासको मत माग्ने भएका छन् । नेकपा एमालेबाट मुख्यमन्त्री बनेका उनले पार्टी विभाजन भएसँगै बहुमत गुमाएका थिए ।